Shapeli y’Isakramentu Ritagatifu yahawe umugisha na Nyiricyubahiro Musenyeri Selestini Hakizimana, Umushumba wa Diyosezi ya Gikongoro, ku wa 31 gicurasi 2018.
Altari y’ugushengerera guhoraho, yatanzwe n’Umuryango “Communita Regina della Pace” wo muri Polonye, yahawe umugisha na Nyirubutungane Papa Fransisko i Krakoviya ho muri Polonye, ku wa 30 Nyakanga 2016. Yimikwa muri Shapeli y’Isakramentu Ritagatifu mu Ngoro ya Bikira Mariya i Kibeho, ku wa 7 Kamena 2018. Kuri uwo munsi hatangijwe gahunda y’Ugushengerera. Dore uko iyo gahunda iteye by’agateganyo:
UGUSHENGERERA ISAKRAMENTU RITAGATIFU:
- Buri munsi: kuva saa mbiri za mu gitondo,
- kugeza saa mbiri za nimugoroba.
- Ku cyumweru no ku minsi mikuru: kuva saa cyenda z’amanywa
- kugeza saa mbiri za nimugoroba.
- Ku wa kane: ho ni umunsi wose n’ijoro ryose.
- Igihe bayikeneye bayisabye (bari nibura abantu batatu).